मकवानपुुर प्रहरीद्वारा ७११ किलो अवैध गाँजासहित विभिन्न लागुऔषध जलाएर नष्ट
मकवानपुर प्रहरीले विभिन्न समयमा बरामद भएको विभिन्न प्रकारका अवैध लागुऔषध जलाएर नष्ट गरेको छ ।
मंगलबार जिल्ला प्रहरी कार्यलय मकवानपुरको टोलीले हेटौंडा १० स्थित राप्ती नदी किनारमा ७ सय ११ किलो ६५ ग्राम अवैध लागुऔषध गाँजा जलाएर नष्ट गरेको हो ।
यस्तै प्रहरीले हजार एमएलको ५ सय २४ बोतल ओरेक्स, ९ सय १६ एम्पुल डाइजेपाम, ८ सय ८५ एम्पुल फेनारगन र ६ सय ९३ एम्पुल नुर्फिन नष्ट गरेको छ ।
यस्तै ३२ लिटर घरेलु मदिरा समेत नष्ट गरेको जिल्ला प्रहरी कार्यलय मकवानपुरका प्रवक्ता लक्ष्मी भण्डारीले जानकारी दिनुभयो । बरामद भएको लागुऔषध जिल्ला प्रशासन कार्यालय मकवानपुर, अदालत, नागरिक समाज र संचारकर्मीको रोहबरमा नष्ट गरिएको हो ।
यो पनि पढ्नुहोस्
