बागमती प्रदेश श्रम तथा यातायात मन्त्रालयका आगामी दिनका प्राथमिकता सार्वजनिक 

बागमती प्रदेशका श्रम, रोजगार तथा यातायात मन्त्री एका लाल श्रेष्ठले मन्त्रालयका आगामी दिनका प्राथमिकताहरु सार्वजनीक गर्नुभएको छ । मन्त्रालयमा पत्रकार सम्मेलन गरेर मन्त्रालयको तर्फबाट दिने सुधारका पहल सहितका प्राथमिकताहरु सार्बजनिक गर्नुभएको हो ।

मन्त्रालयको कार्यक्षेत्रभित्र परेका श्रम, रोजगार तथा यातायात क्षेत्रका समस्या चूनौती तथा अवसरलाई विश्लेषण गर्दै समग्र क्षेत्रको सुधारका लागि आफू लाग्ने मन्त्री श्रेष्ठाको प्रतिबद्धता थियो । श्रम, रोजगार र यातायात व्यवस्थापन क्षेत्रका प्राथमिकतालाई ३४ बुँदेमा राखी कार्यान्वयनमा ल्याइने मन्त्री श्रेष्ठले बताउनुभयो ।

श्रम कार्यालय स्थापना अध्ययन गर्ने र चालू आर्थिक वर्षमा नै श्रम डेस्क स्थापना गर्नेआप्रवासी सूचना केन्द्र विस्तार गर्ने, १० हजार युवालाई सीपमूलक विकास तथा व्यवसायिक तालिम सन्चालन, २ वटा थप तालिम केन्द्र स्थापना गर्ने लगायतका श्रम क्षेत्रका प्राथमिकता रहेका छन् ।

त्यस्तै, यातायात व्यवस्थापन क्षेत्रमा दोलखा वा सिन्धुपाल्चोकमा एउटा र धादिङमा थप एउटा यातायात कार्यालय स्थापना गर्ने, वातावरणमैत्री सवारी साधनलाई प्रोत्साहन गर्ने, सवारी दर्ता अभिलेखलाई डिजिटाइज्ड गर्ने, र सेवाग्राहीलाई अनलाईनमार्फत जोड्ने कार्यलाई अगाडी बढाउने प्रदेश सरकारको लक्ष्य छ यातायात व्यवस्था कार्यालय र ट्रायल सेन्टर काठमाडौं, हेटौंडा र भरतपुरमा आफ्नै भवन सन्चालन गर्ने, पठाओ, टुटल, इनड्राइभ लगायतका अनलाईन सवारीलाई कानुनी दायरामा ल्याउने मन्त्री श्रेष्ठले योजना बनाउनु भएको छ ।