मकवानपुर गोल्डकप २०७९ः आयोजकलाई हराउँदै मनाङ सेमिफाइनलमा प्रवेश
मनाङ मर्स्याङदी क्लब स्थानीय तह सहिद स्मृति अन्तर्राष्ट्रिय मकवानपुर गोल्डकप फुटबलको सेमिफाइनलमा प्रवेश गरेको छ । हेटौंडा–५ स्थित क्याम्पा रंगशालामा शुक्रबार भएको खेलमा आयोजक मकवानपुर ११ लाई २–१ गोलले पराजित गर्दै मनाङ सेमिफाइनलमा प्रवेश गरेको हो ।
मनाङको जीतका लागि जर्सी नम्बर ६६ का खेलाडी सुमित श्रेष्ठले खेलको ११ औं र जर्सी नम्बर ५ का डिवान्डो ड्याङबोले ३९ औं मिनेटमा गोल गरे । मकवानपुर ११ का लागि जर्सी नम्बर ४ का खेलाडी साहिदले खेलको ५३ औं मिनेटमा सान्त्वना गोल गरेका थिए ।
खेलको म्यान अफ दी म्याच मनाङका कमल थापा घोषित भएका छन् । उनले नगद दब हजार प्राप्त गरेका छन् । शनिबार हिमालयन शेर्पा र फ्रेण्डस क्लबबीच प्रतिष्पर्धा हुनेछ । फागुन १० गतेसम्म सञ्चालन हुने प्रतियोगिताको विजेताले नगद १५ लाख र उपविजेताले नगद १० लाख रुपैयाँसहित ट्रफी, मेडल र प्रमाणपत्र प्राप्त गर्नेछन् ।
यो पनि पढ्नुहोस्
