मकवानपुर गोल्डकप २०७९ः आर्मीलाई टाइब्रेकरमा पराजित गर्दै एपीएफ सेमिफाइनलमा प्रवेश
सशस्त्र प्रहरीको एपीएफ क्लबले स्थानीय तह सहिद स्मृति अन्तर्राष्ट्रिय मकवानपुर गोल्डकप फुटबलको अन्तिमम चारमा स्थान बनाएको छ ।
हेटौंडा–५ स्थित क्याम्पा रंगशालामा बुधबार भएको खेलमा विभागीय टोली त्रिभुवन आर्मीलाई टाइब्रेकरमा ४–२ गोलले पराजित गर्दै एपीएफ सेमिफाइनमाल स्थान बनाउन सफल भएको हो । एपीएफको तर्फबाट नवीन लामा, सुदिप सिख्राकार, सनी श्रेष्ठ तथा दिपेश धिमालले गोल गरेका थिए ।
आर्मीका लागि टेकबहादुर बुढाथोकी र विकास खवासले मात्र गोल गरे । नवयुग श्रेष्ठ र दीपक गुरुङको प्रहार सशस्त्रका गोलरक्षक राजु नगरकोटीले बचाएका थिए । खेलको म्यान अफ दी म्याच एपीएफका गोल रक्षक राजु घोषित भए । उनले नगद दश हजार रुपैयाँ प्राप्त गरेका छन् ।
शुक्रबार मकवानपुर ११ र मनाङ मर्स्याङ्दी क्लबवीच प्रतिस्पर्धा हुनेछ । फागुन १० गतेसम्म सञ्चालन हुने प्रतियोगिताको विजेताले नगद १५ लाख र उपविजेताले नगद १० लाख रुपैयाँसहित ट्रफी, मेडल र प्रमाणपत्र प्राप्त गर्नेछन् ।
यो पनि पढ्नुहोस्
