मकवानपुर गोल्डकप २०७९ः क्यामरुन सेमिफाइनलमा प्रवेश
एभिनियर एफसी क्यामरुन स्थानीय तह सहिद स्मृति अन्तर्राष्ट्रिय मकवानपुर गोल्डकप फुटबलको सेमिफाइनलमा प्रवेश गरेको छ ।
हेटौंडा–५ स्थित क्याम्पा रंगशालामा बुधबार भएको खेलमा वीरगञ्ज युनाइटेडलाई २–० गोलले पराजित गर्दै क्यारुनले अन्तिम चारमा स्थान बनाएको हो । क्यामरुनलाइ जित दिलाउन यानिक योहानाले खेलक ३९ औं र साबाले ७४ औं मिनेटमा गोल गरेका हुन् ।
खेलको म्यान अफ दी म्याच वीरगञ्जका उमेश कार्की घोषित भए । उनले नगद दश हजार रुपैयाँ प्राप्त गरेका छन्।
बिहीबार त्रिभुवन आर्मी क्लब र सशस्त्र प्रहरीको एपीएफ क्लबबीच प्रतिस्पर्धा हुनेछ । फागुन १० गतेसम्म सञ्चालन हुने प्रतियोगिताको विजेताले नगद १५ लाख र उपविजेताले नगद १० लाख रुपैयाँसहित ट्रफी, मेडल र प्रमाणपत्र प्राप्त गर्नेछन् ।
यो पनि पढ्नुहोस्
