हेटौंडामा फागुन दोस्रो साता बक्सिङ प्रतियोगिता हुने
हेटौंडामा अल नेपाल नोभिस महिला तथा पुरुष बक्सिङ प्रतियोगिता–२०७९ सञ्चालन हुने भएको छ ।
बागमती प्रदेश खेलकुद परिषद् तथा मकवानपुर जिल्ला बक्सिङ संघको आयोजनामा आगामी फागुनको दोस्रो साता प्रतियोगिता सञ्चालन हुन लोको हो । फागुन १५ गतेदेखि २० गतेसम्म हेटौंडा–४ स्थित कभर्ड हलमा हुने प्रतियोगितामा पुरुषतर्फ ९ र महिलातर्फ ८ वटा तौल समूहको सहभागिता रहने नेपाल बक्सिङ संघले जानकारी दिएको छ ।
करिब एकसय ५८ जना महिला तथा पुरुष खेलाडी सहभागी हुने प्रतियोगितामा करिब ३५ लाख रुपैयाँ खर्च हुने अनुमान गरिएको छ । प्रतियोगितामा २१ वर्षमुनिका खेलाडी मात्र सहभागी हुन पाउने प्रतियोगिता संयोजक तथा संघ जिल्ला अध्यक्ष दीपेश श्रेष्ठले जानकारी दिनुभयो ।
प्रतियोगितामा प्रत्येक तौल समूहका विजेता, उपविजेता तथा सेमिफाइनलमा पराजित हुने दुई जनालाई क्रमशः १०, ५ र ३ हजार रुपैयाँ नगदको व्यवस्था गरिएको छ । उत्कृष्ट खेलाडीलाई बक्सिङ ग्लोब्स र ५ हजार रुपैयाँ नगदको व्यवस्था गरिएको छ ।
यो पनि पढ्नुहोस्
