एक लाख राशीको बिजुली माया वनः संगीत पुरस्कार डा. किरण प्रधानलाई प्रदान
भीम विराग संङ्गीत, साहित्य, कला प्रतिष्ठान नेपालले प्रदान गर्दै आएको बिजुली माया वनः श्रेष्ठ अन्तर्राष्ट्रिय संगीत पुरस्कार यो वर्ष वरिष्ठ गायक, सङ्गीतकार तथा लेखक डा. किरण प्रधानलाई प्रदान गरिएको छ ।
भीम विराग स्मृति दिवसको अवसर पारेर आइतबार प्रधानलाई नगद रु एक लाख सहित सम्मान गरिएको हो । २०११ सालमा काठमाडौंमा जन्मिनु भएका कला साधक प्रधानका थुप्रै गितहरु कर्णप्रिय छन् । भूल हो तेरो भागी हिँड्नु, के सोचे मैले के भयो अहिले, पाखा पर्वतले गुन्जाइरहुन् लगायत गितमा प्रधानले आवाज दिनुभएको छ ।
प्रतिष्ठानले २०६४ सालदेखि हरेक वर्ष नेपाली साहित्य तथा संगीतमा योगदान दिदै आएका हस्तीलाई १ लाख रुपियाँ राशिको पुरस्कार प्रदान गर्दै आएको छ।
हेटौंडाका सङगीतप्रेमी व्यवसायी एवं समाजसेवी कन्हैयाकृष्ण श्रेष्ठले आमाको स्मृतीमा उक्त पुरस्कार स्थापना गर्नुभएको हो । यसअघि यो पुरस्कारबाट साहित्य तथा कला क्षेत्रमा योगदान पुराउने १३ जना सम्मानित भैसक्नुभएको छ ।
पुरस्कार समर्पण एवं साङ्गीतिक समारोह प्रतिष्ठानका अध्यक्ष ह्यग्रीव आचार्यकाको सभाध्यक्षता तथा वरिष्ठ साहित्यकार तुल्सी थापाको प्रमुख आतिथ्यतामा भएको थियो ।
यो पनि पढ्नुहोस्
