हेटौंडामा जिल्ला स्तरीय पुरुष शिक्षक दौड तथा महिला शिक्षक स्लो स्कुटी प्रतियोगिता
शहिद दिवसको अवसरमा हेटौंडामा जिल्ला स्तरीय पुरुष शिक्षक दौड तथा महिला शिक्षक स्लो स्कुटी प्रतियोगिता हुने भएको छ । हेटौंडा उपमहानगरपालिका वडा नं.४ को आयोजना र नेपाल राष्ट्रिय शिक्षक संगठनको ब्यवस्थापनमा माघ १६ गते कार्यक्रम हुने पत्रकार सम्मेलन गरि बताइएको छ ।
संगठनका जिल्ला सचिव मुकुन्द न्यौपानेका अनुसार बिहान ७ बजे हुप्राचौरमा हुने प्रतियोगितामा सामुदायिक, निजी, बिद्यालयान अध्यापन गराइरहेका शिक्षक सहित अवकाश प्राप्त शिक्षकले समेत् भाग लिन पाउने छन् ।
नेपाल राष्ट्रिय शिक्षक संगठनका जिल्ला अध्यक्ष श्रीराम दाहालको सभाध्यक्षता र.४ नम्बर वडा अध्यक्ष नविन सिग्देलको प्रमुख आतिथ्यतामा भएको पत्रकार सम्मेलनमा हेटौंडा ४ का वडा सचिव टिका कँडेल, खेलकुद विकास समिति मकवानपुरका अध्यक्ष भेष खड्गी, जिल्ला खेलकुद विकास समितिका कार्यालय प्रमुख माधव कोइराला, एथलेक्टीस संघका केन्द्रिय सदस्य तथा मकवानपुर जिल्ला अध्यक्ष प्रभाकर पाण्डे, एथलेक्टीसका राष्ट्रिय रेफ्री राजाराम पोख्रेल, भलिबलका राष्ट्रिय रेफ्री बिनोद श्रेष्ठ लगायत विभिन्न सञ्चार माध्यमका पत्रकारहरुको उपस्थीति थियो ।
यो पनि पढ्नुहोस्
