बालजागृति युवा वर्ष माविमा पूर्व विद्यार्थी भेला एवं सरस्वती पूजा सम्पन्न
हेटौंडा उपमाहनगरपालिका वडा नम्बर ६ गौरीटारमा रहेको बाल जागृति युवा वर्ष माध्यमिक विद्यालयमा पूर्व विद्यार्थी भेला एवं सरस्वती पूजा सम्पन्न भएको छ । बसन्त पञ्चमीको अवसर पारेर पूर्व विद्यार्थीले विद्यालय प्राङगणमा भेला गरेका हुन् ।
विद्यालयको शैक्षिक, भौतीक अवस्थाको जानकारी लिदै विद्यालय सुधारमा सहयोग गर्ने विद्यार्थीहरुले बताएका छन् । सरस्वती पूजाको अवसरमा अक्षर शुभारम्भ गर्ने बालबालिकाहरूका लागि निशुल्क शैक्षिक सामग्री समेत वितरण गरिएको प्रधानाध्यापक सम्झना अधिकारीले बताउनुभयो ।
कार्यक्रममा हेटौंडा–६ का वडाध्यक्ष बिष्णु दाहाल, विद्यालय व्यवस्थापन समितिका अध्यक्ष कुमार तिमल्सिना, विद्यालयका शिक्षक, विद्यार्थी लगायत अभिभावक हरुको समेत उपस्थिति थियो ।
यो पनि पढ्नुहोस्
