म्यानेजमेन्टको नृत्य प्रतियोगितामा संगीनी नृत्य प्रथम
हेटौंडा स्कूल अफ म्यानेजमेन्टले आयोजना गरेको नृत्य प्रतियोगितामा अस्मी घिमिरेको समूह प्रथम भएको छ । सरस्वती पूजाको अवसरमा आयोजना गरिएको प्रतियोगितामा अस्मी घिमिरेको समूहले संगिनी नृत्य प्रस्तुत गरेको थियो । ग्रुप प्रनिश दोस्रो हुँदा, सुप्रिया चौलागाईको समूहले तेस्रो स्थान हासिल गरेको छ ।
प्रतियोगिताको निर्णायक कलिउड सुपर डान्स एण्ड फिटनेस सेन्टरका सञ्चालक सुजन श्रेष्ठ र रियो छमछमी सिजन ४ की बिजेता सन्ध्या आचार्य थिए । प्रिन्सीपल च्वाइस अन्तर्गत सुप्रिया चौलागाई, अस्मी घिमिरे, आश्रीया बानियाँ र निराजन पर्न सफल भए । प्रतियोगितामा प्रथम द्धितिय तृतीय हुने र प्रिन्सिपल च्वाइसमा पर्ने सबैलाई नगद पुरस्कार प्रदान गरिएको थियो ।
प्रतियोगितामा २४ नृत्य समावेश थियो । कार्यक्रममा हेटौंडा स्कूल अफ म्यानेजमेन्टमा अध्ययनरत विद्यार्थीले समूहगत तथा एकल नृत्य प्रस्तुत गरेका थिए । कार्यक्रममा क्याम्पसका अध्यक्ष देवप्रसाद श्रेष्ठ, प्रिन्सिपल पुरनबहादुर जोशी, रवि कुमार भट्टराई, बरिष्ठ कलाकार उज्वल भण्डारी लगायतको उपस्थिति थियो ।
यो पनि पढ्नुहोस्
