वागमती गोल्डकपः उपाधीका लागि संकटा र भुटनिज् युथ स्पोर्ट्स भिँड्दै
पाँचौं संस्करणको वाग्मती गोल्डकप राष्ट्रिय फुटबल प्रतियोगिताको फाइनल खेल आज हुँदैछ । उपाधीका लागि ‘ए’ डिभिजनको संकटा क्लव र अमेरिकाको भुटनिज् युथ स्पोर्ट्सबीच प्रतिस्पर्धा हुन लागेको हो ।
खेल बागमती ८ स्थित जनता माविको मैदानमा हुनेछ । बागमती गाउँपालिका खेलकुद विकास समितिको आयोजनामा पौष २४ गतेदेखि प्रतियोगिता सुरु भएको थियो । प्रतियोगिताको उपाधी विजेताले नगद ८ लाख सहित ट्रफी, मेडल प्रमाणपत्र र उपविजेताले ४ लाख रुपैयाँ, उपविजेताको ट्रफी, मेडल प्रमाणपत्र प्राप्त गर्नेछन् ।
सर्वोत्कृष्ट खेलाडीले नगद ५१ हजार प्राप्त गर्ने आयोजकले जनाएको छ । विधागत उत्कृष्ट खेलाडी र प्रशिक्षकले जनही दश दश हजार रुपैयाँ, ट्रफी र प्रमाणपत्र पाउनेछन् । चौँथो संस्करणको उपाधि ‘ए’ डिभिजन क्लब थ्री स्टारले जितेको थियो ।
यो पनि पढ्नुहोस्
