अप्सरा चापागाँई बागमती प्रदेशको उपसभामुख
बागमती प्रदेशको उपसभामुखमा नेकपा एमालेकी उम्मेदवार अप्सरा चापागाँई निर्वाचित हुनुभएको छ ।
उपसभामुखका लागि सोमबार भएको मत विभाजनमा सत्ता गठबन्धनबाट उम्मेदवारी दिनुभएकी चापागाँई निर्वाचित हुनुभएको हो । पागाँईले ६१ मत प्राप्त गरी बहुमत सहित उपसभामुखमा निर्वाचित हुनुभएको प्रदेश सभाका सभामुख भुवन पाठकले घोषणा गर्नुभयो ।
प्रदेश सभा उपसभामसखमा निर्वाचित भएपछि सञ्चारकर्मीलाई संक्षिप्त प्रतिक्रिया दिदै संसदमा आफ्नो भूमिका निष्पक्ष रहने बताउनुभयो । नीति निर्माणमा प्रभावकारी भूमिका निर्वाह गर्ने उपसभामुख चापागाईँले प्रतिबद्धता जनाउनुभयो ।
चापागाँईको विपक्षमा ३९ मत परेको थियो । ७ जना प्रदेश सदस्य तटस्थ बसेका थिए । चापागाईँ नेकपा एमालेको समानुपातिक निर्वाचन प्रणाली मार्फत प्रदेश सभा सदस्यमा निर्वाचित हुनुभएको हो सोमबारको प्रदेश सभामा बैठकमा १ सय ८ सदस्य उपस्थित थिए । नेमकिपाकी गीता काफ्लेले ३ मत प्राप्त गर्नु भयो ।
यो पनि पढ्नुहोस्
