बागमती गोल्डकप:भुटनिज स्पोर्टस् क्लब र हिमालयन शेर्पाबीच खेल हुँदै
फापरबारीमा जारी पाँचौं संस्करणको बागमती गोल्डकप फुटबल प्रतियोगिता अन्तर्गत आज भुटनिज स्पोर्टस् क्लब अमेरिका र हिमालयन शेर्पा क्लबबीच खेल हुनेछ ।
खेल बागमती–८, फापरबारी स्थित जनता माविको मैैदानमा दिउँसो २ बजे सुरु हुनेछ । दुबै टोली जित निकाल्दै अन्तिम आठमा प्ुग्ने लक्ष्य सहित मैदान उत्रदै छन् । बागमती गाउँपालिका खेलकुद विकास समितिको आयोजनामा भएको प्रतियोगितामा एक विदेशीसहित १० टोली सहभागी छन् ।
माघ ३ गते सम्म चल्ने प्रतियोगिताको उपाधी विजेताले नगद ८ लाख रुपैयाँ, मेडल र ट्रफी तथा उपविजेताले ४ लाख रुपैयाँ प्राप्त गर्नेछन्। सर्वोत्कृष्ट खेलाडीले नगद ५१ हजार, विधागत उत्कृष्ट खेलाडी र प्रशिक्षकले जनही दश—दश हजार रुपैयाँ र हरेक खेलको म्यान अफ दि म्याचर्ले नगद ५ हजार प्राप्त गर्नेछन् ।
यो पनि पढ्नुहोस्
