हेटौंडा ६ रंगशालामा मोटरसाईकल दुर्घटना
धरान–चतरा सडकखण्ड अन्र्तगत हेटौंडा उपमहानगरपालिका वडा नम्वर ६ रंगशालामा मोटरसाईकल दुर्घटना हुँदा दुई जना घाइते भएका छन् ।
चौघडातर्फ आउँदै गरेको कर्णाली प्रदेश ०२–००१ प १०९३ नम्बरको मोटरसाइकल अनियन्त्रित भई दुर्घट्ना हुँदा दुई जना घाइते भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले बताउनुभयो । सुर्खेतको बिरेन्द्रनगर नगरपालिका– ३ बस्ने २० वर्षका चालक अविनाश प्याकुरेल र रुकुमको मुसिकोट नगरपालिका बिजय लामा घाइते भएका छन् ।
मोटरसाइकल चालक प्याकुरेललाई थप उपचारका लागि भरतपुर पठाइएको छ भने अर्का घाइते लामाको हेटौंडा अस्पतालमा उपचार भइरहेको छ । मादक पदार्थ सेवन गरी सवारी चलाएको जिल्ला प्रहरी कार्यालय मकवानपुरले जनाएको छ ।
यो पनि पढ्नुहोस्
