क्रिसमसको अवसरमा हेटौंडामा विविध कार्यक्रम(फोटो सहित)

येशु ख्रिष्टको जन्म उत्सवको अवसरमा हेटौंडामा विविध कार्यक्रम गरिएको छ । हेटौंडाका चर्चमा प्रार्थनालगायत कार्यक्रम गरी क्रिसमस मनाइएको हो ।

होटल, पसल देखि सपिङ मलसम्म क्रिसमस ट्रीले बजार झिलिमिली देखिएको छ । क्रिसमस ट्रि अगाडी सेल्फी खिच्ने, टिकटक बनाउनेको संख्या उल्लेख्य छ । एकआपसमा क्रिसमसको शुभकामना आदान–प्रदान गरेका छन् ।

क्रिसमसको अवसरमा अवसरमा विभिन्न स्थानमा सांगीतिक कार्यक्रम समेत गरिएको थियो । क्रिसमसमा येशुको सुसमाचारको चर्चा गर्नुका साथै उपहार आदानप्रदान सहित सु–स्वास्थ्यको कामना गर्ने गरिन्छ ।

येशु ख्रिस्टको जन्म दिनको खुशियालीमा डिसेम्बर २५ का दिन यो पर्व मनाइन्छ ।