आफु आवद्ध सन्चार गृहको कार्ड प्रयोग गरि आइतबार हुने निर्वाचनको रिपोर्टिङ गर्न सकिने
नेपाल पत्रकार महासंघ मकवानपुरले जिल्लाका सञ्चारकर्मीहरुले आफु आवद्ध सन्चार गृहको कार्ड प्रयोग गरि आइतबार हुने प्रतिनिधि सभा तथा प्रदेश सभा निर्वाचनको रिपोर्टिङ गर्न सक्ने जानकारी दिएको छ ।
महासंघले सूचना जारी गर्दै सूचना विभाग, सञ्चार रजिष्ट्रार कार्यालयले जारी गरेको परिचय पत्र, नेपाल पत्रकार महासंघका कार्ड र सम्बन्धित निकायमा दर्ता भई प्रेस काउन्सिल नेपालमा सुचीकृत भएका मिडिया हाउसले जारी गरेका कार्ड प्रयोग गरि समाचार संकलन गर्न मिल्ने जानकारी दिएको हो।
निर्वाचनको दिन सुरक्षाकर्मीले प्रष्ट देखिनेगरी कार्ड लगाउने, सवारी साधनमा दुईपाङ्ग्रेमा २ जना र चार पाङ्ग्रे सवारीमा चालक बाहेक सिट संख्याको आधारमा संचारकर्मीहरु मात्र आवतजावत गर्न पाउनेछन् । महासंघले कार्डको दुरुपयोग नर्गन समेत आग्रह गरेको छ । 
यो पनि पढ्नुहोस्
