सच्चा एमालेले बाम लोकतान्त्रिक गठबन्धनलाई सहयोग गर्छः छिन्तु
मकवानपुर प्रदेश सभा १ क का उम्मेदवार नेकपा माओवादी केन्द्रका प्रेमबहादुर पुलामी छिन्तुले बागमती गाउँपालिकास्थित फापरबारी बजारमा स्थानीयहरूसंग भेटघाट तथा अन्तरक्रिया गर्नुभएको छ ।
बिहीबार बिहान भएको अन्तरक्रियामा स्थानीयहरूले फापरबारी क्षेत्रको विकास, लालपुर्जा बितरण, खहरे नियन्त्रण,शिक्षा र स्वास्थ्य क्षेत्रमा सुधारको अपेक्षा राखेका थिए । अन्तरक्रियामा बोल्दै पुलामीले यस क्षेत्रको विकासमा आफु निरन्तर लागिरहने प्रतिबद्धता ब्यक्त गर्नुभयो ।
कमल थापालाई बोकेका कारण एमालेभित्र यस क्षेत्रमा ठुलो निराशा रहेको बताउदै उहाँले सच्चा एमालेले बाम लोकतान्त्रिक गठबन्धनलाई सहयोग गर्ने बताउनुभयो । यसै भुगोलको भूमिपुत्र भएकाले जनताले खोज्दा सधैं भेटिने र जनताको सुख दुखमा संगै रहने पुलामीको प्रतिबद्धता थियो ।
यो पनि पढ्नुहोस्
