पुर्व कप्तान निरज श्रेष्ठ स्मृतीमा क्रिकेट प्रतियोगीता हुने
पुर्व कप्तान निरज श्रेष्ठ स्मृतीमा मकवानपुर क्रिकेट संघले अन्तर विद्यालय क्रिकेट प्रतियोगीताको आयोजना गर्ने भएको छ । कात्तिक २४ गतेदेखी मंसीर १ गते सम्म संघले विद्यालय स्तरिय टि २० क्रिकेट प्रतियोगिताको आयोजना गर्न लागेको हो ।
प्रतियोगितामा मकवानपुर जिल्ला भरिका १२ विद्यालयको सहभागीता रहने मकवानपुर क्रिकेट संघका कार्यवाहक सचिव विनोद कुमार बानियाँले बताउनुभयो । प्रतियोगितामा प्रथम हुने टिमले नगद ३० हजार सहित ट्रफी, मेडल प्रमाण पत्र पाउने छ भने दोस्रो हुनेले नगद २० हजार सहित ट्रफी मेडल प्रमाण पत्र प्राप्त गर्ने पत्रकार सम्मेलनमा जानकारी गराइएको छ ।
हरेक दिन बिहान ९ बजे र दिउँसो १ बजे गरी दुई खेल सञ्चालन हुनेछन् । प्रतियोगिता सञ्चालनका लागि करीब ३ लाख ५० हजार खर्च हुने आयोजकको अनुमान छ । मकवानपुर क्रिकेट संघका अध्यक्ष बासु लाल श्रेष्ठको अध्यक्षतामा भएको पत्रकार सम्मेलनमा नेपाल क्रिकेट संघका केन्द्रीय सदस्य करण महत क्षेत्री,बागमती प्रदेश क्रिकेट संघका उपाध्यक्ष प्रेम क्षेत्री, लगायतको उपस्थिती थियो ।
यो पनि पढ्नुहोस्
