मैत्रिपुर्ण फुटबल खेलमा जनप्रतिनिधिको टिम विजयी
पत्रकार र जनप्रतिनिधि बिचको मैत्रिपुर्ण फुटबल खेलमा जनप्रतिनिधिको टिम विजयी भएको छ ।
प्रेस सेन्टर नेपाल मनहरी गाउँ कमिटिले आयोजना गरेको मैत्रिपुर्ण फुटबल खेलमा पत्रकारको टिमलाई शून्यका विरुद्ध ७ गोल गर्दै जनप्रतिनिधिको टिम विजयी भएको हो । जनप्रतिनिधिको तर्फबाट गाँउपालिका अध्यक्ष रन्जन कालाखेली , वडा अध्यक्षद्वय राजकुमार पाख्रिन र प्रकाश थापाले गोल गरेका थिए । पत्रकारको टिमबाट कुनै गोल हुन सकेन । विजयी टिमले भाले र मेडल प्राप्त गरेका छन् ।
पत्रकार र जनप्रतिनिधिहरु विच मैत्रिभाव कायम राख्ने उद्देश्यले खेलको आयोजना गरिएको प्रेस सेन्टर नेपाल मनहरीका अध्यक्ष जयराम मुक्तानले बताउनुभयो । युवापुस्ता माझ फुटबल खेलप्रती बढ्दै गएको आकार्षणलाई प्रवद्र्धन गर्न सहयोग पुग्ने मोक्तानले बताउनुभयो । खेल मनहरी ७ स्थित प्रस्तावित क्षेत्रिय मदन भण्डारी रंगशालामा भएको हो । बागमती प्रदेशका निवर्तमान सांसद ओम बहादुर ग्लानको प्रमुख आथित्यतामा कार्यक्रम भएको हो ।
कार्यक्रममा गाँउपालिका अध्यक्ष रन्जन कालाखेती , उपाध्यक्ष सीता पुलामी मगर ( रेखा) , वडा अध्यक्षहरु दीपेन्द्र अधिकारी , प्रकाश थापा , राजकुमार पाख्रिन , नारायाण उप्रेती ,नेकपा माओवादी केन्द्र बागमती प्रदेशका सचिवालय सदस्य बिर बहादुर घलान (ज्वाला) , माओवादी केन्द्र मनहरीमा उपाध्यक्ष दिल बहादुर स्याङबो , नेपाली कांग्रेस मनहरीका सभापति प्रकाश बर्तौला , प्रेस सेन्टर नेपाल मकवानपुरकी अध्यक्ष अञ्जली थापा , नेपाल पत्रकार महासंघ मकवानपुरका सचिव शुभलक्ष्मी प्रभा, समाजवादी प्रेस संगठनका केन्द्रिय सदस्य शिवकुमार रिजाल , तामाङ पत्रकार संघका केन्द्रिय सदस्य आदर्श सिं थोकर लगायतको उपस्तिति थियो ।
यो पनि पढ्नुहोस्
