लागूपदार्थ सेवनगरी सवारी चलाउने तीन चालक पक्राउ
मकवानपुर प्रहरीले लागूपदार्थ सेवनगरी सवारीका साधन चलाउने तीन जना चालकलाई पक्राउ गरेको छ ।
हेटौंडा-काठमाण्डौं छोटो दुरीको मार्गमा चालकले मादक पदार्थ सेवन गरेर सवारी चलाएको फेला परेपछि पक्राउ गरिएको प्रहरीले जनाएको छ । लागूपदार्थ सेवन गरे नगरेको जाँच गरेर पठाउने क्रममा तीन जना चालकले लागूपदार्थ सेवन गरेको प्रमाणित भएको थियो ।
जिल्ला ट्राफिक प्रहरी कार्यालय मकवानपुरको सहितको टोलीले हेटौंडा उपमहानगरपालिका वडा नम्बर– १ तिरतिरे धारा स्थित सडक खण्डमा चेकजाँच गरेको हो । चालकहरलाई लापसे किट मार्फत जाँच गरिएको थियो ।
यो पनि पढ्नुहोस्
