नेपाल पत्रकार महासंघ मकवानपुरद्वारा शुभकामना आदानप्रदान
नेपाल पत्रकार महासंघ मकवानपुरले चडपर्वको अवसरमा शुभकामना आदानप्रदान एवं चियापान कार्यक्रम गरेको छ । विजयादशमी, शुभदिपावली, नेपाल संवत् र छठ पर्वकोको अवसरमा शुभकामना आदानप्रदान गरिएको हो ।
हेटौंडा उपमहानगरपालिकाकी प्रमुख मीनाकुमारी लामाले आफ्नो स्वास्थ्यको ख्याल गर्दैै चाडपर्व मनाउन आग्रह गर्नुभएको छ । चाड मनाउँदा स्वास्थ्यलाई प्रतिकुल नहुने गरि मनाउन उहाँको सुझाव थियो । उपमहानगरमा करिब २५ सय भन्दा बढी डेंगु संक्रमित पुगेको अवस्थामा सरसफाइमा ध्यान दिनुको विकल्प नरहेको उहाँले बताउनुभयो ।
कार्यक्रममा प्रमुख जिल्ला अधिकारी राजेन्द्रदेव पाण्डे, मकवानपुर प्रहरी प्रमुख बामदेव गौतम, अनुसन्धान उपनिर्देशक पप्पु शर्मा पौडेल, नारायणी यातायात व्यवसायी संघका अध्यक्ष हिरालाल श्रेष्ठ, उद्योग संघका अध्यक्ष स्वागतराज प्याकुरेल, महासंघका पुर्व अध्यक्षहरु, विभिन्न सञ्चार माध्यममा आबद्ध पत्रकारहरुको सहभागिता रहेको थियो महासंघ अध्यक्ष मणिराज गौतमको अध्यक्षतामा कार्यक्रम भएको हो ।
यो पनि पढ्नुहोस्
