खोला तर्ने क्रममा बगेर २ जनाको मृत्यु
दैलेखमा खोला तर्ने क्रममा बगेर २ जनाको मृत्यु भएको ।
खोलाले बगाएर भैरवी गाउँपालिका २ का ४३ वर्षीय वीरबहादुर थापा र महाबु गाउँपालिका ३ का ४६ वर्षीय कृष्णबहादुर बुढाको मृत्यु भएको जिल्ला प्रहरी कार्यालय दैलेखले जनाएको छ ।
बुधवार दिउँसो भैरवी गाउँपालिका २ मा रहेको छामघाट खोला तर्ने क्रममा दुवैलाई बगाएको प्रहरीले जनाएको छ । प्रहरीका अनुसार मृतक थापा र बुढा नाताले सम्धी हुन् । वीरबहादुरले सम्धी कृष्णबहादुरलाई घर पठाउन खोला तराउने क्रममा दुवै जनालाई बगाएको प्रहरीले जनाएको छ ।
यो पनि पढ्नुहोस्
