समता स्कुलका विद्यार्थीलाई शैक्षिक तथा खेलकुद सामग्री सहयोग
हेटौंडा उपमहानगरपालिका वडा नम्बर ५ मा रहेको वडा स्तरीय युवा क्लबले विद्यार्थीलाई शैक्षिक तथा खेलकुद सामग्री सहयोग गरेको छ ।
मंगलबार हेटौडा ५ स्थित अब्बल डाँडामा रहेको समता आधारभूत विद्यालयमा अध्ययनरत विद्यार्थीका लागि शैक्षिक तथा खेलकुद सामाग्री सहयोग गरेको हो । ३० हजार रुपैयाँ बराबरको स्टेशनरी तथा खेलकुदका सामाग्री क्लवले विद्यालयलाई प्रदान गरेको हो ।
कार्यक्रमका प्रुमुख अतिथि वडा नम्बर ५ का अध्यक्ष शुशिल घिमिरे मार्फत विद्यालयकी प्रधानाध्यापक प्रिती चौधरीलाई सामग्री हस्तान्तरण गरिएको क्लवका सचिव विवेक फुँयालले बताउनुभयो ।
शैक्षिक तथा खेल क्षेत्रको विकासका लागि विद्यार्थीलाई उर्जाशिल बनाउन यस्ता सहयोगलाई आगामाी दिनमा पनि निरन्तरता दिइने क्लव अध्यक्ष अरुण कार्कीले बताउनुभयो । सामाग्री हस्तान्तरण कार्यक्रममा वडा नम्बर ५ का वडा सदस्यद्धोय ज्ञानबहादुर थापा, रञ्जिता सिलवाल, क्लवका सदस्य लगायत विद्यालयका शिक्षक विद्यार्थीको उपस्थिती थियो ।
यो पनि पढ्नुहोस्
