खोलामा डुबेर बकैया गाउँपालिकामा एक बालकको मृत्यु
खोलामा डुबेर मकवानपुरको बकैया गाउँपालिकामा एक बालकको मृत्यु भएको छ ।
बकैया –४ बाघमारास्थित ल्वाजोर खोलामा डुबेर चितवनको भरतपुर महानगरपालिका–१६ का १६ वर्षीय सचिन थापाको मृत्यु भएको जिल्ला प्रहरी कार्यालय मकवानपुरले जनाएको छ । आफन्त विष्णुबहादुर खत्रीको घरमा आएका सचिन आज दिउँसो नुहाउने क्रममा पानीमा डुबेर घाइते भएका थिए ।
हात्तिसुँडे प्रहरी चौकीबाट खटिएको टोलीले उनलाई उपचारका लागि प्राथमिक स्वास्थ्य चौकी छतिवन लगेको थियो । यद्यपी उनको स्वास्थ्य अवस्था अझै गम्भीर भएकाले थप उपचारका लागि हेटौंडा–११ थानाभर्याङस्थित चुरेहिल अस्पताल ल्याइएकोमा अस्पतालले उनलाई मृत घोषणा गरेको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक टेकबहादुर कार्कीले जानकारी दिनुभयो ।
यो पनि पढ्नुहोस्
