सुमन भोम्जन युवा खेल पत्रकारिता पुरस्कार गीता राईलाई प्रदान
नेपाल खेलकुद पत्रकार मञ्च (एनएसजेएफ) ले २७ औं स्थापना दिवसको अवसरमा दुई पत्रकारलाई सम्मान गरेको छ ।
खेल पत्रकारिता क्षेत्रमा कलम चलाउँदै आएको एक अग्रज र एक अजुज पत्रकारलाई सम्मान गरिएको हो । अग्रज पत्रकारिता पुरस्कार जयदेव गौतम र सुमन भोम्जन युवा खेल पत्रकारिता पुरस्कार गीता राईलाई प्रदान गरिएको छ ।
सातदोबाटोस्थित अन्तर्राष्ट्रिय खेलकुद परिसरमा आयोजित एक कार्यक्रमबीच राष्ट्रिय खेलकुद परिषद् (राखेप) का सदस्यसचिव टंकलाल घिसिङ, नेपाल ओलम्पिक कमिटी (एनओसी) का महासचिव नीलेन्द्रराज श्रेष्ठ, नेपाल पत्रकार महासंघका सचिव पवन आचार्य र मञ्चका अध्यक्ष दुर्गानाथ सुवेदीले सम्मानपत्र र दोसल्ला ओढाएर सम्मान गरेका थिए ।
जयदेवलाई नगद २५ हजार रुपैयाँ र युवा पत्रकार गीतालाई एक थान ल्यापटप पुरस्कार प्रदान गरिएको थियो ।
यो पनि पढ्नुहोस्
