भोलीदेखि नागस्वती भेट्रान्स रनिङशिल्ड फुटबल प्रतियोगिता हुँदै
भोलीदेखि नागस्वती भेट्रान्स रनिङशिल्ड फुटबल प्रतियोगिता हुँदैछ ।
नागस्वती भेट्रान्स क्लबको आयोजनामा भदौ २२ गतेसम्म हुने प्रतियोगितामा १८ टिमको सहभागिता रहेनेछ । हेटौंडा–७ मा रहेको नागस्वती चौरमा हुने प्रतियोगिताको उद्घाटन खेलमा आयोजक नागस्वती भेट्रान्स ए र पशुपति भेट्रान्स भिड्नेछन् ।
प्रतियोगिताको बिजेताले २ लाख एकहजार र उपविजेताले एकलाख एकहजार रुपैयाँसहित ट्रफी प्राप्त गर्ने आयोजक नागस्वती भेट्रान्सका अध्यक्ष सोमबहादुर तितुङले जानकारी दिनुभयो । प्रतियोगितामा ४० वर्षा उमेर पुगेका खेलाडीले मात्रै सहभागिता जनाउन पाउनेछन् ।
पुराना खेलाडीहरुको बीचमा पुनर्मिलनसंगै भ्रातृत्वको सम्बन्ध स्थापना र फुटबल खेलको विकासका लागि यो प्रतियोगिता आयोजना गर्न लागिएको क्लवका सचिव प्रदीप गौतमले जानकारी दिनुभयो । प्रतियोगितामा करीब साढे १३ लाख रुपैयाँ खर्च हुने आयोजकको अनुमान छ । मकवानपुरका स्थानीय तह तथा विभिन्न सहयोगी संघसंस्था र व्यक्तिबाट खर्चको व्यवस्थापन गरिएको आयोजकले जनाएको छ ।
यो पनि पढ्नुहोस्
