नेपालमा कोरोना संक्रमण फेरी बढ्दै, आज एकै दिन ५६८ संक्रमित थपिए, एक जनाको मृत्यु
नेपालमा पछिल्लो समय कोरोना संक्रमितको संख्या बढ्न थालेको छ ।
आज एकैदिन ५ सय ६८ जनामा कोरोना संक्रमण पुष्टि भएको छ भने एक जना संक्रमितको मृत्यु भएको स्वास्थ्य तथा जनसंख्या मन्त्रालयले जानकारी दिएको छ ।
मन्त्रालयका अनुसार पीसीआरबाट ४५३ र एन्टिजेन परीक्षणबाट ११५ जनामा कोरोना पुष्टि भएको हो । पछिल्लो २४ घण्टामा ३०८४ पीसीआर र १७१६ एन्टिजेन गरी ४८०० कोरोना परीक्षण भएको मन्त्रालयले जनाएको छ ।
यसैबीच ९५ जना कोरोनामुक्त भएका छन्। मन्त्रालयका अनुसार सक्रिय संक्रमितको संख्या ३५३४ पुगेको छ । यी मध्ये ३४०७ जना होमआइसोलेसनमा र १२७ जना संक्रमितलाई संस्थागत आइसोलेसनमा राखिएको छ ।
२७ जनाको आइसीयूमा राखी उपचार भइरहेको छ। २ जना भेन्टिलेटरमा रहेको स्वास्थ्य मन्त्रालयले जानकारी दिएको छ।
यो पनि पढ्नुहोस्
