पछिल्लो २४ घण्टामा ३९१ जनामा कोरोना संक्रमण पुष्टि
नेपालमा पछिल्लो २४ घण्टामा ३९१ जनामा कोरोना संक्रमण पुष्टि भएको छ ।
पीसीआर र एन्टिजेन गरी ३ हजार ९ सय ८१ जनाको नमुना परीक्षण गर्दा ३९१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । २४ घण्टामा कोरोनाका कारण कसैको पनि ज्यान गएको छैन ।
४६ जना संक्रमित निको भएका छन् । यस्तै सक्रिए संक्रमितको संख्या दुई हजार दुई सय ७६ जना पुगेको छ । २४ घण्टामा एक लाख २१ हजार पाँच सय १५ जनाले कोरोनाविरुद्धको खोप लगाएका स्वास्थ्य मन्त्रालयले जनाएको छ ।
यो पनि पढ्नुहोस्
