सवारी दुर्घटनामा घाइते भएका ट्याङकर चालकको मृत्यु
हेटौंडा ९ मा भएको सवारी दुर्घटना घाइते भएका ट्याङकर चालकको मृत्यु भएको छ ।
गम्भीर घाइते भएका नवलपरासी बर्दघाट नगरपालिका–१ का अन्दाजी ३२ वर्षीय सन्जीव रानाको उपचारका क्रममा भरतपुरस्थित चितवन मेडिकल कलेजमा मृत्यु भएको जिल्ला प्रहरी कार्यालय मकवानपुरले जनाएको छ । गएराती हेटौंडाबाट पथलैया जाँदै गरेको बा ८ ख ६३४६ नम्बरको बस र पथलैयाबाट हेटौंडा आउँदै गरेको लु १ २ ख २७५८ नम्बर ट्याङकर आपसमा ठोक्किएर दुर्घटना भएको थियो । दुर्घटनामा १६ जना घाइते भएका थिए ।
घाइते मध्ये दुई जनाको हेटौंडामा उपचार सम्भव नभएपछि थप उपचारको लागि चितवन मेडिकल कलेज लगिएकोमा ट्याङकर चालक रानाको आज दिउँसो उपचारको क्रममा मृत्यु भएको प्रहरीले जनाएको छ । घाइते १४ जनाको हेटौंडा अस्पतालमा र अर्का एकजनाको चितवन मेडिकल कलेजमा उपचार भइरहेको छ । सामान्य घाइते का बसका चालकलाई नियन्त्रमा लिई अनुसन्धान भइरहेको प्रहरीले जनाएको छ ।
यो पनि पढ्नुहोस्
