हेटौंडामा सवारी दुर्घटना, १६ जना घाइते
हेटौंडा उपमहानगरपालिका वडा नम्बर–९ पशुपतिनगरमा तीन वटा सवारीका साधन एक आपसमा ठोकिदा १६ जना घाइते भएका छन् । गएराती पशुपतिनगरमा ट्यांकर र बस ठोक्किदा १६ जना घाइते भएका हुन् ।
बाराबाट हेटौडातर्फ आउँदै गरेको लु २ ख २७५८ नम्बरको डिजेल बोकेर आएको ट्यांकर र नारायणगढबाट बिरगंजतर्फ जाँदै गरेको बा ८ ख ६३४६ नंम्बरको बस एक आपसमा ठोक्किएको जिल्ला प्रहरी कार्यालय मकवानपुरले जनाएको छ ।
दुर्घटनामा बारा तर्फ जाँदै गरेको लु ८६ प ६१३० नम्बरको मोटरसाईकल समेत बसको पछाडि ठोक्किदा ३ वटै सवारीका चालक, बसमा सवार यात्रुसहित १६ जना घाइते भएका छन् । उनीहरू मध्य दुइजनालाई भरतपुर रिफर गरिएको र अरु १४ जनाको हेटौंडा अस्पतालमा उपचार भइरहेको छ ।
यो पनि पढ्नुहोस्
