मकवानपुर पैहरीले हराएको मोटरसाइकल र स्कुटर फेला पारी सम्बन्धीत धनीलाई बुझायो
मकवानपुर प्रहरीले विभिन्न मितिमा हराएको मोटरसाइकल र स्कुटर फेला पारी सम्बन्धीत धनीलाई बुझाएको छ ।
प्रहरीले गत आइतबार राति पर्साको जगरनाथपुर–६ घर भई हाल हेटौंडा उपमहानगरपालिका वडा नम्वर ८ कमाने बस्ने ३० वर्षीय ददिवल चौधरीले पार्किङ गरी राखेको प्रदेश ०२–०३–००७ प ८४१८ नम्वरको पल्सर मोटरसाइकल फेला पारी सम्बन्धीत धनीलाई बुझाएको हो ।
चौधरीले उक्त मोटसाइकल पार्किङ गरेको ठाउँबाट हराएको भनि जिल्ला प्रहरी कार्यालयमा दिएको निवेदनको आधारमा खोजतलास गर्दा हेटौंडा–७ स्थित सडकखण्डमा बेवारिसे अवस्थामा फेला पारी मंगलबार सम्बन्धीत धनीलाई बुझाएको जिल्ला प्रहरी कार्यालय मकवानपुरले जनाएको छ ।
यस्तै, प्रहरीले हेटौंडा–२ बस्ने ३५ वर्षीय डानियल न्यौपानेले आफ्नै घरमा पार्किङ गरेको स्थानबाट हराएके बा.प्र. ०३.००२ प ७२८१ नम्वरको स्कुर फेला पारी सम्बन्धीत धनीलाई बुझाएको छ । स्कुटर हराएको भनि प्रहरीमा दिएको निवेदनको आधारमा खोजतलास गर्दा हेटौंडा–८ कमानेस्थित फेला पारी आज सम्बन्धीत धनीलाई बुझाइएको प्रहरीले जनाएको छ ।
यो पनि पढ्नुहोस्
