दोस्रो पटक पनि अन्तराष्ट्रिय मकवानपुर गोल्डकपको उपाधी त्रिभुवन आर्मीले जित्यो
विभागिय टोली त्रिभुवन आर्मी क्लबले दोस्रो पटक स्थानीय तह सहिद स्मृति अन्तराष्ट्रिय मकवानपुर गोल्डकप फुटबलको उपाधी जितेको छ ।
हेटौंडा ५ पिप्ले क्याम्पा रंगशालामा आज भएको फाइनल खेलमा घरेलु टोली विजय युथ क्लबलाई २–१ गोलले पराजित गर्दै आर्मी दोस्रो पटक पनि च्याम्पियन बनेको हो । आर्मीका कप्तान भरत खवास र कमल थापाले गरेको गोलले आर्मीलाई उपाधी दिलाएको हो । खेलको १५औं मिनेटमा आर्मीका कप्तान भरत खवासको गोलबाट आर्मीले सुरुवाती अग्रता लिएको थियो ।
त्यसको १० मिनेटपछि घरेलु टोली विजय युथका डोना थापाले पेनाल्टी मार्फत एक गोल पर्काएर खेललाई बराबरीमा पुर्याए । तर दोस्रो हाफको सुरुमै कमल बहादुर थापाले गोल गर्दै आर्मीलाई २–१ को अग्रता दिलाए । त्यही गोल नै आर्मीका लागि निर्णायक बन्यो । आर्मीले गत सिजन पनि विजय युथलाई दोस्रो मै सिमित गरेको थियो ।
उपाधिसंगै आर्मीले १५ लाख रुपैयाँ र शिल्ड प्राप्त गरेको छ । दोस्रो भएको विजय युथले १० लाख रुपैयाँ प्राप्त गरेको छ । मा चित्त बुझाएको छ । प्रतियोगिताको सर्वोत्कृष्ट खेलाडी बन्दै विजय युथका कप्तान अशोक बरालले हेटौंडा स्कुल अफ म्यानेजमेन्टले प्रायोजन गरेको एक थान बुलेट बाइक प्राप्त गरेका छन् ।
प्रतियोगिताको व्यक्तिगत विधाका उत्कृष्ट खेलाडी र प्रशिक्षकले जनही २५ हजार रुपैयाँ प्राप्त गरे । मकवानपुर जिल्ला फुटबल संघको आयोजनामा भएको प्रतियोगितामा १२ टीमको सहभागिता थियो ।
यो पनि पढ्नुहोस्
