हेटौंडा ९ पशुपतिनगरमा ग्याँस बुलेटले ठक्कर दिँदा २ जनाको मृत्यु
हेटौंडा ९ पशुपतिनगरमा ग्याँस बुलेटले ठक्कर दिँदा २ जनाको मृत्यु भएको छ ।
शनिबार साँझ बाराबाट हेटौंडा आउँदै गरेको भारतीय एन एल ०१ एल २९७१ नम्बरको ग्यास बुलेटले विपरीत दिशाबाट आइरहेका ना ६१ प ४५९७ नम्बरको मोटरसाइकललाई ठक्कर दिएको प्रहरीले जनाएको छ ।
दुर्घटनामा मोटरसाइकलमा सवार हेटौंडा ९ का ५५ वर्षका इश्वर तामाङ्ग र २६ वर्षकी अमिना तामाङ्गको मृत्यु भएको जिल्ला प्रहरी कार्यालय मकवानपुरले जनाएको छ । दुर्घटनामा घाइते भएका दुवैको उपचारको क्रममा हेटौंडा अस्पतालमा मृत्यु भएको हो । ठक्कर दिने बुलेटका चालकलाई प्रहरीले नियन्त्रणमा लिएको छ।
यो पनि पढ्नुहोस्
