अन्तराष्ट्रिय मकवानपुर गोल्डकप फुटबलमा आज दोस्रो सेमिफाइनल खेल हुँदै
स्थानीय तह सहिद स्मृति अन्तराष्ट्रिय मकवानपुर गोल्डकप फुटबलमा फाइनल प्रवेशका लागि आज शनिवार दोस्रो सेमिफाइनल खेल हुँदैछ ।
हेटौंडा–५ को पिप्ले रंगशालामा अपरान्ह ४ बजे सुरु हुने दोस्रो सेमिफाइनलमा अन्तर्राष्ट्रिय क्लब एभिनियर एफसी क्यामरुन र विभागीय टोली त्रिभुवन आर्मी क्लब भिड्नेछन् । आजको विजेताले पहिलो सेमिफाईनल विजेता विजय युथ क्लबसंग फाइनलमा भिडन्त गर्नेछ ।
विजय युथले हिजोको खेलमा नेपाल पुलिसलाई ०-१ गोलले पराजित फाईनलको यात्रा तय गरेको हो । फाइनल खेल जेठ ३० गते हुनेछ । प्रतियोगिताको विजेताले उपाधिसंगै १५ लाख रुपैयाँ नगद र उपविजेताले १० लाख रुपैयाँ प्राप्त गर्नेछन् ।
त्यस्तै व्यक्तिगत विधामा उत्कृष्ट हुनेलाई पनि २५ हजार नगद र ट्रफी प्रदान गरिने छ । प्रतियोगितामा उत्कृष्ट हुने खेलाडीले बुलेट बाइक प्राप्त गर्नेछ । प्रतियोगितामा देशका शीर्ष क्लबसहित १२ टोलीको सहभागिता रहेको छ ।
यो पनि पढ्नुहोस्
