मकवानपुर गोल्डकपः पुलिसलाई हराउँदै विजय युथ क्लब फाइनलमा प्रवेश
विजय युथ क्लब हेटौंडा स्थानीय तह शहिद स्मृति अन्तराष्ट्रिय मकवानपुर गोल्डकप फुटबलको फाइनलमा प्रवेश गरेको छ ।
हेटौंडा–५ को पिप्ले रंगशालामा शुक्रबार भएको पहिलो सेमिफाईनलमा नेपाल पुलिस क्लबलाई ०-१ गोलले पराजित गर्दै घरेलु टोली विजय युथ क्लब फाईनलमा प्रवेश गरेको हो । विजय युथको जितका लागि विदेशी खेलाडि जर्सी नम्बर ३ का पेपेले गरेको गोल नै निर्णायक बन्यो । आजको खेलको म्यान अफ दि म्याच घोषित हुँदै पेपेले नगद १० हजार प्राप्त गरे ।
विजय युथले अब शनिवार हुने दोस्रो सेमिफाइनल खेलको विजेतासंग जेठ ३० गते फाइनल खेल खेल्ने छ । दोस्रो सेमिफाइनल खेलमा शनिवारभोलि अन्तर्राष्ट्रिय क्लब एभिनियर एफसी क्यामरुन र त्रिभुवन आर्मी क्लब बीच प्रतिष्पर्धा हुनेछ । प्रतियोगिताको विजेताले उपाधिसंगै १५ लाख रुपैयाँ नगद र उपविजेताले १० लाख रुपैयाँ प्राप्त गर्नेछन् ।
त्यस्तै व्यक्तिगत विधामा उत्कृष्ट हुनेलाई पनि २५ हजार नगद र ट्रफी प्रदान गरिने छ । प्रतियोगितामा उत्कृष्ट हुने खेलाडीले बुलेट बाइक प्राप्त गर्नेछ । प्रतियोगितामा देशका शीर्ष क्लबसहित १२ टोलीको सहभागिता रहेको छ ।
यो पनि पढ्नुहोस्
