अन्तराष्ट्रिय मकवानपुर गोल्डकपः फाइनल प्रवेशका लागि आज पहिलो खेल हुँदै
घरेलु टोली विजय युथ क्लब हेटौंडा र नेपाल पुलिस क्लबबीच प्रतिष्पर्धा हुने
स्थानीय तह सहीद स्मृति अन्तराष्ट्रिय मकवानपुर गोल्डकप प्रतियोगितामा फाइनल प्रवेशका लागि आज पहिलो खेल हुँदैछ ।
हेटौंडा ५ पिप्ले रंगशालामा जारी प्रतियोगितामा अपरान्न ४ बजे घरेलु टोली विजय युथ क्लब हेटौंडा र नेपाल पुलिस क्लबबीच प्रतिष्पर्धा हुनेछ । आजको विजेता क्लब जेठ ३० गते हुने फाइनल खेलमा प्रवेश गर्नेछ । यस्तै दोस्रो सेमिफाइनलमा भोलि अन्तर्राष्ट्रिय क्लब एभिनियर एफसी क्यामरुन र त्रिभुवन आर्मी क्लबबीच प्रतिष्पर्धा हुनेछ ।
३० गतेसम्म जारी रहने प्रतियोगितामा विजेता टोलिले १५ लाख र उपविजेता टोलिले १० लाख प्राप्त गर्ने छन् । यस्तै प्रतियोगितामा सर्वोत्कृष्ट खेलाडीलाई बुलेट बाइक, विधागत उत्कृष्ट खेलाडीलाई नगद २५ हजार र हरेक खेलमा म्यान अफ दि म्याच हुने खेलाडीलाई नगद १० हजार प्रदान गरिने आयोजकले जनाएको छ।
यो पनि पढ्नुहोस्
