मकवानपुर गोल्डकप फुटबलमा आज विजय युथ क्लब हेटौंडा र नव जनजागृति युवा क्लब सिमरा भिड्दै
स्थानीय तह सहिद स्मृति अन्तराष्ट्रिय मकवानपुर गोल्डकप फुटबल प्रतियोगितामा आज विजय युथ क्लब हेटौंडा र नव जनजागृति युवा क्लब सिमरा भिड्दैछन् ।
हेटौंडा ५ मा रहेको पिप्ले क्याम्पा रंगशालामा अपराह्न ४ बजे यी दुई टीमबीच प्रतिष्पर्धा हुनेछ । प्रतियोगिता अन्तरगत हिजो भएको खेल जित्दै विभागीय टीम नेपाल पुलिस क्लब सेमिफाइनलमा प्रवेश गरेको छ । मनाङ मर्स्याङदीलाई १–० गोलले हराउँदै पुलिस अन्तिम ४ मा स्थान सुरक्षित गर्न सफल भएको हो ।
पुलिसको जितका लागी ३४ औं मिनेटमा भरत शाहले गरेको गोल निर्णायक बन्यो । खेलको म्यान अफ द म्याच पुलिसका गोलरक्षक सत्रुघन चौधरी भए ।
जेठ ३० गतेसम्म सञ्चालन हुने प्रतियोगितामा १२ क्लबको सहभागिता छ । प्रतियोगिताको विजेताले १५ लाख र उपविजेताले १० लाख रुपैयाँ प्राप्त गर्ने आयोजकले जनाएको छ ।
यस्तै प्रतियोगितामा सर्वोत्कृष्ट खेलाडीलाई बुलेट बाइक, विधागत उत्कृष्ट खेलाडीलाई नगद २५ हजार र हरेक खेलमा म्यान अफ दि म्याच हुने खेलाडीलाई नगद १० हजार प्रदान गरिने आयोजकले जनाएको छ।
यो पनि पढ्नुहोस्
