हेटौंडामा वातावरणीय सचेतना मूलक साइकल र्याली आयोजना
हेटौंडामा आज वातावरणीय सचेतना मूलक साइकल र्याली आयोजना गरिएको छ ।
विश्व वातावरण दिवसको अवसर पारेर टोल विकास संस्था नगर समन्वय समिति हेटौंडा उपमहानगरपालिकाको आयोजनामा साइकल र्याली गरिएको हो । हेटौंडा उपमहानगरपालिका कार्यालयबाट सुरु भएको साइकल र्याली चौघडा, हटिया, रातोमाटे, बजार क्षेत्र हुँदै पुनः उपमहानगरपालिका कार्यालयमा आएर समापन गरिएको थियो ।
टोल विकास संस्था नगर समन्वय समिति हेटौंडाका अध्यक्ष ध्रव अधिकारीको अध्यक्षता तथा हेटौंडा उपमहानगरपालिकाकी मेयर मिना कुमारी लामाको प्रमुख आतिथ्यतामा कार्यक्रम सम्पन्न भएको हो । कार्यक्रममा हेटौंडा–२ का वडा अध्यक्ष बिष्णु गोपाल महर्जन, उपमहानगरपालिका सामाजिक विकास महासाखाका प्रमुख विष्णु कुमारी लामिछाने लगायतकाको आतिथ्यता रहेको थियो ।
यो पनि पढ्नुहोस्
