थाहा नगरको विकासका लागि सबैसंग सहकार्य गर्छुः मेयर बिष्ट
राज कुमार केसी/ थाहा नगरपालिकाका मेयर बिष्णु बहादुर बिष्टले थाहा नगरको समग्र विकासका लागि सबै पक्षसंग सहकार्य गरेर अगाडि बढ्ने बताउनु भएको छ ।
स्थानीय युवाहरुले थाहा नगरका मेयर तथा उपमेयर समक्ष ध्यानाकर्षण पत्र सहित विकासको साँचो बुझाउने कार्यक्रममा प्रमुख बिष्टले यस्तो बताउनु भएको हो । बजेट सिलिङको आधारमा समेट्न सकिने योजनाहरु कार्यान्वयन गर्ने बताउँदै उहाँले थाहा नगरको समृद्धिको लागि प्राप्त सकारात्मक सुझावहरुको कार्यान्यनको लागि आफु प्रतिबद्ध रहेको बताउनुभयो ।
ध्यानाकर्षण पत्र र विकासको साँचो बुझ्दै बिष्टले युवाहरुको सकारात्मक सुझावले आफुमा काम गर्न उर्जा मिल्ने बताउनुभयो । आगामी ५ बर्ष देखिने काम गर्ने बताउँदै उहाँले विकासको साँचो र ध्यानाकर्षणले विकासको ढोका खोल्न युवाहरुको साथ र सहयोग आवश्यकता रहेको बताउनुभयो ।
बिष्टले युवाहरुको मागमा नगरपालिका प्रतिबद्ध रहेको बताउँदै युवाहरुले उठाएका योजनाका बिषय कार्यपालिका बैठकमा समेत छलफल गरिने बताउनुभयो । कार्यक्रममा स्थानिय युवा बिक्रम केसी, राजन प्रसाद ढकाल, उद्धव बिडारी, अनिल लामा, युगल ढकाल, बद्री ढकाल लगायतका युवाहरुको सहभागिता रहेको थियो ।
ध्यानाकर्षण पत्र
यो पनि पढ्नुहोस्
