वंशगोपाल माविमा हेटौंडा ६ का नवनिर्वाचित जनप्रतिनिधीको स्वागत कार्यक्रम
हेटौंडा उपमहानगरपालिका वडा नम्बर ६ मा रहेको वंश गोपाल माध्यामिक विद्यालयले नव निर्वाचित जनप्रतिनिधिलाई स्वागत तथा बधाई कार्यक्रम गरेको छ ।
स्थानीय तह निर्वाचनमा वडाबाट निर्वाचित जनप्रतिनिधिलाई बधाई तथा सुभकामना कार्यक्रमका आयोजना गरिएको विद्यालयले जनाएको छ । नवनिर्वाचित वडाध्यक्ष विष्णु प्रसाद दाहाल, वडा सदस्यहरु विजय पौडेल, लेखराज ढकाल,सरीता सापकोटा र मूना विश्वकर्मालाई स्वागत गरिएको हो ।
कार्यक्रममा बोल्दै ६ नम्बर वडाका नवनिर्वाचित अध्यक्ष विष्णु प्रसाद दाहालले विद्यालयको समग्र विकासका लागि आफ्नो सहयोग सदैव रहने प्रतिबद्धता व्यक्त गर्नुभयो । दाहालले सामुदायिक विद्यालयहरुको शिक्षालाई प्रभावकारी बनाउँन शिक्षकहरुको भूमिका महत्वपुर्ण हुने उल्लेख गर्नुभयो । ६ नम्बर वडाका वडा सदस्य विजय पौडेलले वंशगोपाल माध्यामिक विद्यालयलाई प्रदेश कै नमूना विद्यालय बनाउन सबैले पहल गर्नुपर्ने बताउनुभभयो ।
कार्यक्रममा विद्यालयका प्रधानाध्यापक रमेश प्रसाद लामिछाने, विद्यालय व्यवस्थापन समितिका सदस्य रामशरण दुलाल, सुभद्रा तिमल्सिना, विद्यालयका सहायक प्रधानध्यापक ललन पाण्डे, शिक्षिका निर्मला तिमल्सिेना लगायतकाले सुभकामना मन्तव्य राख्नु भएको थियो ।
यो पनि पढ्नुहोस्
