सवारी दुर्घटनामा हेटौंडाका एक युवकको मृत्यु
मंगलबार सवारी दुर्घटनामा परेर हेटौंडाका एक युवकको मृत्यु भएको छ ।
चितवनको भरतपुर महानगरपालिका ५ नयनचोकमा भएको दुर्घटनामा हेटौंडा–१९ का २० वर्षका विशेष दाहालको मृत्यु भएको चितवन प्रहरीले जनाएको छ। बिशालचोकबाट जानकीचोकतर्फ जाँदै गरेको ना ६३ प ९३०३ नम्बरको मोटरसाइकलले सोमवार बेलुका पौने ९ बजे विपरित दिशाबाट आउँदै गरेको ना ३८ प ७८७६ नम्बरको स्कुटरलाई ठक्कर दिएको थियो ।
दुर्घटनामा गम्भीर घाइते भएका मोटरसाइकल चालक दाहालको उपचारका क्रममा कलेज अफ मेडिकल साईन्स अस्पताल भरतपुरमा मृत्यु भएको प्रहरीले जनाएको छ । प्रहरीका अनुसार तिव्र गतिका कारण दुर्घटना भएको हो । घटना पश्चात फरार भएका स्कुटर चालकको खोजी भइरहेको प्रहरीले जनाएको छ ।
यो पनि पढ्नुहोस्
