थाहा नगरका मेयर बिष्टले दिए राजीनामा
थाहा नगरपालिकाका मेयर लवशेर बिष्टले राजीनामा दिनुभएको छ ।
पदमा रहेर पार्टीको प्रचारप्रसारमा हिड्न आचारसंहिताले नदिएको भन्दै बिहीबार दिउँसो मेयर बिष्टले उपमेयर खड्ग गोपालीसमक्ष राजीनामा दिनुभएको हो । यहि वैशाख ३० गते हुने स्थानीय तह निर्वाचनका लागि पार्टीको चुनावी प्रचारप्रसारमा लाग्दा आचारसंहिता विपरित कार्य हुने भएपछि राजीनामा दिएको बिष्टले बताउनुभयो ।
माओवादी केन्द्रबाट थाहा नगरपालिकाका आधिकारिक उम्मेद्वार बिष्णु बिष्टलाई जिताउन अब उहाँ चुनावी अभियानमा लाग्नु हुनेछ । पाँच वर्षे कार्यकालमा थाहानगरको विकासमा ठुलो फड्को मारेको वर्तमान नेतृत्वलाई नै जनताले पुन जिताउन खोजे पनि बिष्टले एक कार्यकाल मात्र काम गर्ने भनेर दोहो¥याउन चाहनु भएन ।
विष्टले आफ्नो कार्यकालमा थाहा नगरलाई देशकै उत्कृष्ट स्थानीय तहको रुपमा परिचित गराउन सफल हनुभयो । उहाँकै पालमा थाहा नगर वित्तीय समानीकरण अनुदान प्रयोजनका लागि प्राकृतिक स्रोत तथा वित्त आयोगले प्रदेश र स्थानीय सरकारको गरेको कार्यसम्पादन मूल्यांकनमा उत्कृष्ट र बेरुजु फछ्र्यौट गर्ने विषयमा पनि देशकै सर्वोत्कृष्ट स्थानीय तह घोषित भएको थियो ।
यो पनि पढ्नुहोस्
