स्थानीय तह निर्वाचनः मतपत्र मुख्य निर्वाचन अधिकृतको कार्यालय हेटौंडा आइपुग्यो
निर्वाचन आयोगले पठाएको मतपत्र मुख्य निर्वाचन अधिकृतको कार्यालय हेटौंडामा आइपुगेको छ ।
मकवानपुरका दश वटै स्थानीय तहमागरी कुल ३ लाख २५ हजार वटा मतपत्र आइपुगेको मुख्य निर्वाचन अधिकृतको कार्यालयका सहयाक निर्वाचन अधिकृत सागर शर्माले जानकारी दिनुभयो । हेटौंडामा आइपुगेको मतपत्र हरेक स्थानीय तहका मतदान केन्द्रका अधिकृत र सहायक मतदान अधिकृतको जिम्मामा पठाइने उहाँले बताउनुभयो ।
निर्वाचन कार्यालयले मतदान अधिकृतलाई हस्तान्तरण गर्ने ६४ प्रकारका सामग्रीसंगै मतपत्र समेत पठाउनेगरी काम भइरहेको उहाँले बताउनुभयो ।
मकवानपुरका सबै मतदान केन्द्रका मतदान अधिकृत र सहायक मतदान अधिकृतलाई आज र भोली हेटौंडामा तालिम दिइसकेपछी मतपत्र हस्तान्तरण गरी पठाइने शर्माले बताउनुभयो । आज र भोली मकवापनुरका दश वटै स्थानीय तहका ३ सय ६५ मतदान केन्द्रका अधिकृत र सहायक अधिकृतलाई तालिम दिइदैछ ।