भोटको लागि लालपुर्जा बाँडिएको भन्ने कुरा सत्य होइनः सर्केश घलान
स्थानिय तह निर्वाचनमा बागमती गाउँपालिकाको अध्यक्षका उम्मेद्वार सर्केश घलानले भोटको लागि लालपुर्जा बाँडिएको भन्ने कुरा सत्य नभएको बताउनु भएको छ ।
मंगलबार सत्तारुढ गठबन्धनले वडा नम्बर ३ कुटीभकारीमा आयोजना गरेको कार्यक्रममा उहाँले बर्षौदेखि थाँती रहेको भूमिहिन सुकुम्बासीको अधिकार स्थापित मात्र गर्न चाहेको बताउनुभयो । उहाँले आफु जनप्रतिनिधी हुदाँ यस क्षेत्रमा विकासको लहर आएको दाबी गर्नुभयो ।
‘घर आँगनमा बिजुली पुर्याईयो, घर(घरमा धारा बनाईयो, पहरा फोरेर बाटो बनाईयो तर यतिले मात्र समाज सम्वृद्ध नहुने रैछ । हरेक युवा स्वरोजगार भए, किसानहरु आफ्नो मेहनत र परिश्रमबाट सन्तुष्ट भएमात्र समृद्धी आउछ – घलानले भन्नुभयो । ’
अध्यक्षका उम्मेदवार घलानले गाउँपालिकामा आफुले देखेका अधुरा सपनालाई पुरा गर्न पनि पुनः उम्मेदवारी दिएको बताउनुभयो । उहाँले आफु बिजयी भए सडकलाई कालोपत्रे गरेर यहाँका जनतालाई सहजत बनाइने बताउनुभयो । शिक्षा, स्वास्थ्य, रोजगारी जस्ता आधारभूत कुरालाई प्राथमिकतामा राख्ने आफ्नो योजना भएको उहाँको भनाई छ ।