बकैया गाउँपालिका अध्यक्षमा माओवादी केन्द्रबाट माझीको उम्मेद्वारी
वैशाख ३० गते हुने स्थानीय तह निर्वाचनमा मकवानपुरको बकैया गाउँपालिका अध्यक्षका लागि नेकपा माओवादी केन्द्रबाट लक्ष्मी माझी कृपा र उपाध्यक्षमा भक्त खत्रीले उम्मेद्वारी दिनु भएको छ ।
उम्मेद्वारी दर्ता पछि प्रतिक्रिया दिँदै माझीले बकैयाका अधुरा काम पूरा गर्न आफुले उम्मेद्वारी दिएको बताउनु भएको छ । उहाँले भुमिहिन दलित सुकुम्बासीलाई लाल पुर्जा वितरण आफ्नो पहिलो प्राथमिकता हुने बताउनुभयो । भौतिक, आर्थिक विकाससंगै मानवीय विकासमा आफ्नो विशेष जोड रहने उहाँको भनाई छ ।
गाउँपालिका अध्यक्षमा विजयी भए अति सिमान्तकृत, दलित र विपन्न वर्गलाई उच्च राखी प्राविधिक शिक्षाको लागि ऋण अनुदानको व्यवस्था गर्ने उहाँले बताउनुभयो ।
यस्तै विपन्न सिमान्तकृत दलित र विपन्न महिला तथा बेरोजगार युवाहरुको लागि स्थानीय श्रोत साधानको पहिचान गरी व्यवसायिक तालीम गर्दै औद्योगिकारणको लागि नितिगत रुपमै जोड दिने उहाँको भनाई छ । उहाँले जनयुद्धका घाइते अपाङ्ग र सहिद परिवार, द्वन्द्व प्रभावित बेपत्ता परिवारको सम्मान र संरक्षणका लागि विशेष कार्यक्रम ल्याउने समेत बताउनु भएको छ ।
यो पनि पढ्नुहोस्
