खैरो हिरोईनसहित हेटौंडा २ बाट एक जना पक्राउ
मकवानपुर प्रहरीले लागूऔषध खैरो हिरोईनसहित एक जनालाई पक्राउ गरेको छ ।
शनिवार साँझ ६ ग्राम ६८० मिली ग्राम खैरो हिरोईनसहित ३३ वर्षका सन्तोष पोखरेललाई पक्राउ गरिएको जिल्ला प्रहरी कार्यालय मकवानपुरले जनाएको छ ।
हेटौंडा ५ घर भई हाल हेटौंडा–२ मनकामना चोकमा डेरा गरी बस्ने वर्षीय सन्तोष पोखरेलको कोठामा विशेष सूचनाका आधारमा चेकजाँच गर्दा उक्त परिमाणको लागूऔषध फेला परेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिनुभयो ।
प्रहरीका अनुसार पोखरेलले पुजा गर्ने काठको र्याकमा शंख भित्र लुकाई लुकाईछिपाइ राखेका थिए । उनलाई आवश्यक अनुसन्धानको लागि हिरासतमा राखिएको प्रहरीले जनाएको छ ।
यो पनि पढ्नुहोस्
