भीमफेदीमा बिहीबार सवारी दुर्घटना हुँदा १ जनाको मृत्यु

भीमफेदीमा बिहीबार दिउँसो सवारी दुर्घटना हुँदा १ जनाको मृत्यु भएको छ ।

भीमफेदी गाउँपालिका-१ सुन्दरीमाईमा टाटा सुमो र मोटरसाइकल ठोक्किँदा मोटरसाइकल चालकको मृत्यु भएको जिल्ला प्रहरी कार्यालय मकवानपुरले जनाएको छ । हेटौंडाबाट भैंसे जाँदै गरेको ना १ ज ३४७२ नम्बरको सुमो र भैंसेबाट हेटौंडा आउँदै गरेको ना ४९ प २५५६ नम्बरको मोटरसाइकल आपसमा ठोक्किएर दुर्घटना भएको हो ।

दुर्घटनामा मोटरसाइकल चालक हेटौंडा–८, कमानेका प्रमोदकुमार रिमालको मृत्यु भएको प्रहरी जनाएको छ । सुमो चालक काठमाडौं–१४, बल्खुका ३९ वर्षीय अर्जुन भण्डारीलाई प्रहरीले पक्राउ गरेको छ भने दुवै सवारी साधन प्रहरीको नियन्त्रणमा रहेको छ ।