क्याम्पाडाँडामा करिब ५ हजार दर्शक अट्ने प्याराफिट सहितको रंगशाला उद्घाटन
हेटौंडा ५ क्याम्पाडाडाँमा नव निर्मित पिप्ले क्याम्पा रंगशालाको उद्घाटन भएकाृ छ ।
एक वर्ष १६ दिनमै निर्माण सम्पन्न भएको यस रंगशालाको शुक्रबार एक समारोहका बीच हेटौंडाका मेयर हरि बहादुर महतले उद्घाटन गर्नु भएको हो । पिप्ले युवा क्लबका अध्यक्ष सुशिल घिमिरेको अगुवाई तथा स्थानीय सरोकारवाला निकायको समन्वयमा करिब ५ हजार दर्शक अट्ने सक्ने प्याराफिट सहितको रंगशाला निर्माण भएको छ ।
रंगशाला करिब १ करोड ७० लाख रुपैयाँको लागतमा निर्माण गरिएको क्लबका अध्यक्ष घिमिरेले जानकारी दिनुभयो । रंगशालामा फुटबलसहित एथ्लेटिक्सका लागि ट्रयाक समेत निर्माण गरिएको र अब रंगशाला परिसरमै कभर्ड हल निर्माण गरेर करिब २० हजार दर्शक अट्ने प्याराफिट निर्माण गरिने उहाँले बताउनुभयो ।
रंगशाला निर्माणका लागि हेटौंडा उपमहानगरपालिका, वडा नम्बर ५ का स्थानीय तथा वडावासीको तर्फबाट १ करोड ३९ लाख रुपैयाँ, विभिन्न सहयोगी संस्था एवम् व्यक्तिहरुबाट करिब ३० लाख रुपैयाँ सहयोग प्राप्त भएको जनाइएको छ। रंगशालामा शनिबारबाट बागमती प्रदेश स्तरीय खेलकुद प्रतियोगिता सुरु हुनेछ । खेलकुद प्रतियोगिताको उद्घाटन बागमती प्रदेशका मुख्यमन्त्री राजेन्द्र प्रसाद पाण्डे गर्ने जनाइएको छ।
यो पनि पढ्नुहोस्
