घानाको एक शहरमा विष्फोट हुँदा कयौं भवन ध्वस्त, १७ वटा शव फेला
सुनको खानीको रुपमा चिनिने घानाको यपिएट शहरमा भयंकर विष्फोट भएको छ ।
विष्फोटबाट कयौं भवन ध्वस्त भएका छन् । घटनास्थलमा १७ वटा शव फेला परेका स्थानीय एक अधिकारीलाई उद्धृत गर्दै बीबीसीले जनाएको छ । यद्यपि प्रहरीले मृत्यु भएकाहरुको संख्याबारे औपचारिक जानकारी दिएको छैन ।
खानीका लागि आवश्यक विष्फोटक पदार्थ बाकेको गाडी मोटरसाइकलसँग ठोक्किएपछि विष्फोट भएको बताइएको छ । स्थानीय मिडियाहरुले सार्वजनिक गरेको तस्वीर र भिडियोमा विष्फोट भएको स्थानमा धुलो र धुवाँको मुस्लो उडेको देखिन्छ । भग्नावशेषमा च्यापिएकाहरुले चिच्याउँदै सहायता मागेको पनि देखिन्छ ।
यो पनि पढ्नुहोस्
