मकवानपुरमा कुकुरले टोकेर रेबिज लागेका एक पुरुषको मृत्यु
मकवानपुरमा कुकुरले टोकेर रेबिज लागेका एक पुरुषको मृत्यु भएको छ ।
कुकुरले टोकेर रेबिज लागेका हेटौंडा उपमहानगरपालिका ६ रामनगरका ५५ वर्षका श्यामफुल बलामीको बिहिबार मृत्यु भएको हो । उहाँलाई असोज महिनामा कुकुरले टोकेको भएपनि ५ दिन अघिबाट मात्र रेविजको लक्षण देखिएको उहाँको भाइ रामफुल बलामीले जानकारी दिनुभयो ।
पानीसँग डराउने, आतिने लगायतका समस्या देखिएपछि उहाँलाई हेटौडा अस्पताल लगिएको र त्यहाँबाट थप उपचारकालागि शुक्रराज ट्रपिकल तथा सरुवा रोग अस्पतालमा पठाइएको थियो ।
कुकुरले टोक्नेबित्तिकै रेबिजविरुद्धको सुई नलगाएका कारण रेबिज लागेको चौघडा स्वास्थ्य चौकीका इन्चार्ज टि.एन पौडेलले बताउनुभयो । संक्रमितसँगको सम्पर्कमा आएका परिवारका ६ जना सहित समुदायका ३४ जनाले एन्टि रेबिज भ्याक्सिन लागाइसकेका पौडेलले बताउनुभयो ।
यो पनि पढ्नुहोस्
